KINONTRA ni Iloilo City Lone District Rep. Julienne “Jam-jam” Baronda si Pangulong Ferdinand Marcos Jr. hinggil sa umano’y ghost o substandard projects sa kanyang distrito, sa harap ng panawagang imbestigahan ang mga proyekto ng DPWH-Iloilo City District Engineering Office (ICDEO) na pinondohan sa pamamagitan ng kanyang opisina.
“Just like what I said right after the SONA of President Marcos, I welcome any and all investigations into the infrastructure projects in the legislative district of Iloilo City,” pahayag ni Baronda.
“I can assure everyone that the innuendos and assertions that there are ghost and substandard projects in the city whose funding requirements have been facilitated by this representation would be proven to be falsehoods,” dagdag pa niya.
Sa kanyang pagbisita sa Iloilo City, binatikos ni Pangulong Ferdinand Marcos Jr. ang mga naantala at palpak na flood control project matapos niyang inspeksyunin ang dalawang flood mitigation project sa Barangay San Isidro, Jaro district.
“Sa aking pagbisita sa Iloilo, nakita natin ang mga delayed at palpak na flood control projects na lalo pang nagpapalala ng pagbaha,” ani Marcos sa isang Facebook post. Kinontra naman ito ni Baronda, sa pagsasabing: Aside from mere allegations, NO project was identified as a ghost, and NO project was indicated as nonfunctioning. In sum, all are just propaganda.
Hinimok ni Baronda ang Commission on Audit (COA) na agad tapusin ang kanilang imbestigasyon upang malaman ang katotohanan na walang katiwalian sa kanyang mga proyekto.
Sa ulat ng Daily Guardian noong Oktubre 2022, sinabi ni Baronda na siya ay nakakuha ng ₱1 bilyon mula sa General Appropriations Act (GAA) para sa flood mitigation program ng Iloilo City, bahagi ng ₱6.2-bilyong Comprehensive Drainage Plan.
181 
